განათლების ხარისხის განვითარების ეროვნული ცენტრის განცხადება

მიმდინარე დღეებში სოციალურ ქსელსა და მედიაში ვრცელდება დეზინფორმაცია თითქოს უმაღლესი განათლების ხარისხის განვითარების დამოუკიდებელი სააგენტოების ევროპული რეესტრში (EQAR) რეგისტრაციის შეჩერება საფრთხეს უქმნის საქართველოს უმაღლესი საგანმანათლებლო დაწესებულებების მიერ გაცემული დიპლომების აღიარებას თუ გაცვლით პროგრამებს. აღნიშნული არ შეესაბამება რეალობას.

გვინდა გაცნობოთ, რომ საქართველოს განათლების ხარისხის განვითარების ეროვნული ცენტრი EQAR-ში დარეგისტრირდა 2019 წელს. შესაბამისად, როგორც 2019 წლამდე, ასევე მის შემდგომაც ევროკავშირის წევრ სახელმწიფოებში, ასევე - ნებისმიერ სხვა ქვეყანაში საქართველოში გაცემული დიპლომების აღიარება შეფერხების გარეშე ხორციელდებოდა.

ასევე მნიშვნელოვანია, რომ მოსწავლეებისა და სტუდენტებისთვის ხელმისაწვდომია გაცვლითი და საგრანტო პროგრამები, SAT-ის, GMAT-ის და უცხო ენის საერთაშორისო გამოცდები, უცხოური საგანმანათლებლო პროგრამები.