ჩრდილოეთ კენტუკის უნივერსიტეტის კიბერუსაფრთხოების 17-ე სიმპოზიუმი
აშშ-ში ჩასულმა კიბერუსაფრთხოების სამაგისტრო პროგრამის სტუდენტებმა მონაწილეობა მიიღეს NKU-ს კამპუსში გამართულ 17-ე ყოველწლიურ კიბერუსაფრთხოების სიმპოზიუმში - #Cyber17
საქართველოს საპატრიარქოს წმ. ანდრია პირველწოდებულის სახელობის ქართული უნივერსიტეტის (SANGU) და ჩრდილოეთ კენტუკის უნივერსიტეტის (NKU) კიბერუსაფრთხოების ერთობლივი სამაგისტრო პროგრამის ფარგლებში, აშშ-ში ჩასულმა სტუდენტებმა მონაწილეობა მიიღეს NKU-ს კამპუსში გამართულ 17-ე ყოველწლიურ კიბერუსაფრთხოების სიმპოზიუმში - #Cyber17. ეს ღონისძიება ერთ-ერთი წამყვანია აშშ-ში კიბერუსაფრთხოების მიმართულებით, სადაც იკრიბებიან ინდუსტრიის წამყვანი ექსპერტები და ინოვატორები, რათა განიხილონ სფეროში არსებული ტენდენციები, ახალი საფრთხეები და საუკეთესო პრაქტიკები.
სიმპოზიუმის ფარგლებში, SANGU-ს სტუდენტები დაესწრნენ სემინარებს, პანელურ დისკუსიებს და პრაქტიკულ ვორქშოფებს. ღონისძიების მთავარი თემები მოიცავდა ხელოვნურ ინტელექტს (AI), მანქანურ სწავლებას, ფიშინგის შეტევებს და მობილურ უსაფრთხოებას. მთავარი სპიკერი იყო ცნობილი კიბერუსაფრთხოების ექსპერტი, ქ-ნი ტერეზა პეიტონი.
SANGU-ს სტუდენტებმა მონაწილეობა მიიღეს სიმპოზიუმის პანელურ დისკუსიაში, სადაც განიხილეს საქართველოს კიბერუსაფრთხოების გარემო, საჯარო და კერძო სექტორის გამოწვევები, საქართველოს ეროვნული CERT-ის (Computer Emergency Response Team) როლი, SOC-ის (Security Operation Center) ფუნქციები ინციდენტებზე რეაგირებისთვის, კიბერუსაფრთხოებაში ქალების როლი და არსებული სტერეოტიპები.
პანელური დისკუსიის შემდეგ გაიმართა კითხვა-პასუხის სესია, სადაც დამსწრეებს საშუალება ჰქონდათ, საქართველოს კიბერუსაფრთხოების სფეროსა და ზოგადად ქვეყნის შესახებ მეტი ინფორმაცია მიეღოთ.
სემინარებისა და პრაქტიკული სამუშაოების გარდა, SANGU-ს სტუდენტები გაეცნენ ამერიკის კულტურას, რაც მათ საერთაშორისო გამოცდილებას ამდიდრებს და უქმნით უნიკალურ შესაძლებლობას, გაიზიარონ მსოფლიო დონის სპეციალისტების საუკეთესო პრაქტიკები.
SANGU-სა და NKU-ს ერთობლივი ორმაგი სამაგისტრო პროგრამა კიბერუსაფრთხოებაში ინოვაციური ნაბიჯია საქართველოსთვის, რომელიც სტუდენტებს აძლევს მსოფლიო დონის განათლების მიღების შესაძლებლობას SANGU-ს სრული დაფინანსებით. ამ პროგრამის წარმატებით დასრულების შემდეგ, სტუდენტებს ენიჭებათ კიბერუსაფრთხოების მაგისტრისა და ინფორმაციის ტექნოლოგიების უსაფრთხოების ორმაგი, ქართული და ამერიკული აკადემიური ხარისხი.
Related news
Training on the Methodology for Developing and Evaluating Educational Programmes and Course Syllabi
The training sessions focused on current approaches to the planning, development, and evaluation of educational programmes and course syllabi.
Workshop for PhD Students: Preparing and Publishing Scientific Publications
The Office of Research and Development organized a workshop for PhD students on the topic “Preparing and Publishing Scientific Publications”.
