შეხვედრა Campus Lions Club Tbilisi-ის წარმომადგენლებთან

2019 წლის 27 თებერვალს, ოთხშაბათს, 12 საათზე, წმიდა ილია მართლის სახელობის საკონფერენციო დარბაზში, ამერიკული საერთაშორისო ორგანიზაციის Lions Clubs International-ის საქართველოს ფილიალის Campus Lions Club Tbilisi  (CLCT) წარმომადგენელი რატი ქირია, ერაზმუსის პროექტებში მონაწილეობასთან დაკავშირებით გამართავს საინფორმაციო შეხვედრას ქართული უნივერსიტეტის სტუდენტებთან.

შეხვედრასთან დაკავშირებით დამატებითი ინფორმაცია იხილეთ ქვემოთ: 

Campus Lions Club Tbilisi  (CLCT) მისიაა საქართველოში საქველმოქმედო და საგანმანათლებლო პროექტების აქტიური განხორციელება. 2013 წლიდან დღემდე ორგანიზაციამ არა ერთი მნიშვნელოვანი და მასშტაბური ღონისძიება განახორციელა.

ერაზმუსის პროექტების შესახებ:

ორგანიზაციის გადაწყვეტილებით 2018 წლიდან CLCT აქტიურად ჩაერთვება ერასმუსის საგანმანათლებლო პროექტებში. აღნიშნულიდან გამომდინარე, ორგანიზაციაში იგეგმება რამდენიმე სამუშაო პოზიციის დამატება, რაც მოიაზრებს ახალი წევრების მიღებას. წევრების შერჩევა მოხდება უშუალოდ ქართული უნივერსიტეტის სტუდენტებიდან. შერჩეულ წევრებს მიეცემათ შანსი უფასოდ მიიღონ მონაწილეობა უცხოეთში გამართულ სხვადასხვა ტრეინენგებსა და პროექტებში.

ორგანიზაციაში ერასმუსის პროგრამაზე განსაზღვრული თავისუფალი სამუშაო პოზიციები:

• პროექტის მენეჯერი (სასურველია ანალოგიურ პოზიციაზე სამუშაო გამოცდილება, თუმცა ენთუზიაზმით სავსე ახალგაზრდებისთვის, რომლებიც აკმაყოფილებენ მინიმალურ მოთხოვნებს განხილული იქნებიან ამ პოზიციაზე)
• სოციალური მედიის მენეჯერი (ვეძებთ კრეატიულ ადამიანს, რომელსაც აქვს ტექსტური მედიის საშუალებით ინფორმაციის გაზიარების საუკეთესო შემოქმედებითი უნარ ჩვევები)
• გრაფიკული დიზაინერი (აუცილებელი მოთხოვნაა, რომ სტუდენტს ჰქონდეს საშუალო ცოდნა ან და გამოცდილება გრაფიკული დიზაინის მინიმუმ ერთ პროგრამაში. (Adobe Photoshop, Illustrator, Affinity Photo, Sketch, GIMP ან სხვა)