როგორ ვისარგებლოთ საერთაშორისო სამეცნიერო მონაცემთა ბაზებით?

2 ნოემბერს, 13:00 საათზე, II კორპუსის 208-ე აუდიტორიაში, წმ. ანდრიას ქართული უნივერსიტეტის საუნივერსიტეტო ბიბლიოთეკის ორგანიზებით, სტუდენტებისთვის გაიმართება საინფორმაციო შეხვედრა, რომლის მიზანია საერთაშორისო სამეცნიერო მონაცემთა ბაზების გაცნობა და მათი ეფექტიანად გამოყენების სწავლება.

შეხვედრაზე განხილული იქნება:

• საერთაშორისო სამეცნიერო მონაცემთა ბაზების მნიშვნელობა და გამოყენება;

• სამეცნიერო სტატიებისა და კვლევითი მასალების მოძიების ეფექტიანი სტრატეგიები;

• საკვანძო სიტყვებისა და საძიებო ფილტრების სწორად გამოყენება;

• სანდო აკადემიური წყაროების შერჩევა და გამოყენება;

• მონაცემთა ბაზების ეთიკური გამოყენება და დამოწმება.

შეხვედრა სტუდენტებს დაეხმარება სასწავლო და კვლევითი საქმიანობისთვის საჭირო ინფორმაციის მოძიებაში, მართვასა და გამოყენებაში.

შემოგვიერთდით და გაეცანით საერთაშორისო სამეცნიერო რესურსების პრაქტიკული გამოყენების შესაძლებლობებს.

თარიღი: 2 ნოემბერი

დრო: 13:00 საათი

ადგილი: II კორპუსი, 208-ე აუდიტორია

ღონისძიება ღიაა ყველა დაინტერესებული სტუდენტისთვის.