სტუდენტთა სამეცნიერო კონფერენცია

საქართველოს სამოციქულო ეკლესიის ავტოკეფალიის 1700 წლისთავი

2026 წლის 12 ივნისს, ჰუმანიტარულ მეცნიერებათა და სამართლის სკოლის ორგანიზებით, გაიმართა სტუდენტთა სამეცნიერო კონფერენცია, რომელიც მიეძღვნა საქართველოს სამოციქულო ეკლესიის ავტოკეფალიის 1700 წლისთავს.

სტუდენტებმა კონფერენცია გახსნეს უწმინდესი და უნეტარესი ილია II-ის ხსოვნისადმი მიძღვნილი სიტყვითა და ვიდეოკოლაჟით, რის შემდეგაც წარმოადგინეს მოხსენებები საქართველოს ეკლესიის ისტორიის მნიშვნელოვან საკითხებზე.

კონფერენციის ფარგლებში წარმოდგენილი იყო შემდეგი მოხსენებები:

• „ბრძოლა საქართველოს ეკლესიის ავტოკეფალიის აღდგენისათვის XX საუკუნის 20-იან წლებში“ - მომხსენებელი თეკლე ქვარცხავა;
• „მიტროპოლიტ ნაზარი ლეჟავას საქმე“ - მომხსენებელი გიორგი კუჭაძე;
• „მღვდელმონაზონ თეოდორეს (ჩიხლაძე) საქმე“ - მომხსენებელი გურამ ლომიძე;
• „საბჭოეთის რღვევა და საქართველოს სამოციქულო ეკლესია“ - მომხსენებელი მარიამ მესტვირიშვილი;
• „საქართველოს ეკლესიის ურთიერთობა იერუსალიმის მართლმადიდებელ ეკლესიასთან (XX საუკუნე)“ - მომხსენებელი ნაზი ბიჩინაშვილი.

კონფერენციის მონაწილეებს მიესალმნენ და სიტყვით მიმართეს უნივერსიტეტის რექტორმა, პროფესორმა ირაკლი ბრაჭულმა, ჰუმანიტარულ მეცნიერებათა და სამართლის სკოლის დეკანის მოადგილემ, ასოცირებულმა პროფესორმა ხათუნა კუხალაშვილმა და ისტორიის პროგრამის ხელმძღვანელმა, ასოცირებულმა პროფესორმა გვანცა ბურდულმა.

კონფერენციის დასასრულს მონაწილეებს გადაეცათ სიგელები.