Fulbright-ის სამაგისტრო პროგრამა 2027-2028

Fulbright-ის სამაგისტრო პროგრამა 2027-2028

ამერიკის შეერთებული შტატების საელჩო საქართველოში აცხადებს Fulbright Graduate Student Program 2027-2028-ის კონკურსს.

პროგრამა უზრუნველყოფს სრული დაფინანსებით სწავლის შესაძლებლობას ამერიკის უნივერსიტეტებში სამაგისტრო პროგრამებზე სხვადასხვა მიმართულებით.

Fulbright-ის სტიპენდია წარმოადგენს აშშ-ის მთავრობის ერთ-ერთ ყველაზე პრესტიჟულ საგრანტო პროგრამას. კანდიდატების შერჩევა ხორციელდება ღია კონკურსის საფუძველზე, რომელსაც ატარებს აშშ-ის საელჩოს საზოგადოებრივი დიპლომატიის განყოფილება თბილისში.

პროგრამის მთავარი სპონსორია აშშ-ის სახელმწიფო დეპარტამენტის საგანმანათლებლო და კულტურული საქმეთა ბიურო (ECA). პროგრამა თანადაფინანსებულია საქართველოს მთავრობის მიერ საქართველოს განათლების, მეცნიერებისა და ახალგაზრდობის სამინისტროს მონაწილეობით, ასევე საქართველოს ბანკისა და Georgia Capital-ის მხარდაჭერით.

პროგრამა ხორციელდება William Fulbright Foreign Scholarship Board-ის მიერ დადგენილი პოლიტიკის შესაბამისად. პროგრამის ადმინისტრირებას ახორციელებს Institute of International Education (IIE), რომელიც თანამშრომლობს აშშ-ის მრავალ უნივერსიტეტთან შესაბამისი აკადემიური პროგრამების შერჩევის მიზნით.

აპლიკაციების მიღება იწყება 2026 წლის 1 აპრილს, ხოლო ონლაინ განაცხადის წარდგენის საბოლოო ვადაა 2026 წლის 1 ივლისი.

დამატებითი ინფორმაცია და განაცხადის ფორმა ხელმისაწვდომია ბმულზე:
https://ge.usembassy.gov/fulbrightgraduatestudent/