გილოცავთ

2 აგვისტო წმიდა ილია თეზბიტელის და წმიდა ილია მართლის ხსენების დღეა, ამ დღეს სრულიად საქართველო ანგელოზის დღეს ულოცავს საქართველოს მართლმადიდებელი სამოციქულო ეკლესიის მხცოვან საჭეთმპყრობელს, სრულიად საქართველოს კათოლიკოს-პატრიარქს, უწმიდეს და უნეტარეს ილია II-ს.

თანამედროვე ურთულეს ეპოქაში, როდესაც გლობალურმა და ლოკალურმა კონფლიქტებმა, პანდემიამ, ეკონომიკურმა და პოლიტიკურმა კრიზისებმა უდიდესი განსაცდელის წინაშე დააყენა მსოფლიო და მათ შორის საქართველო, ბევრმა ქვეყანამ შეცვალა ცხოვრების წესი, ტრადიცია, სულიერი ღირებულებანი. თქვენ მართლმადიდებელ და არამართლმადიდებელ რელიგიურ ლიდერთა შორის ყველაზე დიდი გამოცდილების მხცოვანმა საჭეთმპყრობელმა ბეწვის ხიდზე გაატარეთ თქვენი სამწყსო და აჩვენეთ ყველას სამშობლოს, ქრისტიანული სარწმუნოების უდიდესი სიყვარული და ერთგულება...

თქვენო უწმიდესობავ და უნეტარესობავ, ანგელოზის დღეს გილოცავთ და ვუსურვებ ჩვენს ხალხს დიდხანს გვქონდეს ბედნიერება, ეს დღე მივულოცოთ ჩვენი ეკლესიის მხცოვან საჭეთმპყრობელს, მრავალჟამიერ თქვენი სიცოცხლე.

სერგო ვარდოსანიძე
ქართული უნივერსიტეტის რექტორი, პროფესორი