პროფესორ სერგო ვარდოსანიძის 65 წლის იუბილესადმი მიძღვნილი სამეცნიერო კონფერენცია
3 დეკემბერს, გაიმართა პროფესორ სერგო ვარდოსანიძის სამეცნიერო-პედაგოგიური საქმიანობისადმი მიძღვნილი ონლაინ კონფერენცია.
3 დეკემბერს საქართველოს საპატრიარქოს წმიდა ანდრია პირველწოდებულის სახელობის ქართულ უნივერსიტეტში გაიმართა ონლაინ სამეცნიერო კონფერენცია, რომელიც მიეძღვნა რექტორის, ისტორიის მეცნიერებათა დოქტორის, თეოლოგიის დოქტორის პროფესორ სერგო ვარდოსანიძის 65 წლის იუბილეს. კონფერენციის პირველ ნაწილში პროფესორ სერგო ვარდოსანიძეს იუბილე მიულოცეს: საქართველოს მეცნიერებათა ეროვნული აკადემიის ვიცე-პრეზიდენტმა აკადემიკოსმა როინ მეტრეველმა, საქართველოს მართლმადიდებელი ეკლესიის წმიდა სინოდის წევრმა მეუფე ანანიამ (ჯაფარიძემ), საქართველოს წამყვანი უმაღლესი საგანმანათლებლო დაწესებულებების რექტორებმა (პროფესორმა გიორგი შარვაშიძემ, პროფესორმა გიორგი მათიაშვილმა, პროფესორმა გიორგი სოსიაშვილმა, პროფესორმა როლანდ კოპალიანმა, პროფესორმა დავით გურგენიძემ, პროფესორმა დავით ჩერქეზიშვილმა), სასულიერო პირებმა, პროფესორ-მასწავლებლებმა, დოქტორანტებმა და სხვ. კონფერენციის მეორე ნაწილში წარმოდგენილი იყო მოხსენებები პროფესორ სერგო ვარდოსანიძის სამეცნიერო-პედაგოგიური მოღვაწეობის შესახებ. მოხსენებები წარმოადგინეს: პროფესორმა ვახტანგ გურულმა, პროფესორმა ტარიელ ფუტკარაძემ, ისტორიის დოქტორმა ლაშა დეისაძე-შარვაშიძემ, ისტორიის დოქტორმა ირაკლი ლორთქიფანიძემ.
დასასრულს პროფესორმა სერგო ვარდოსანიძემ მადლობა მოახსენა დამსწრე საზოგადოებას და კადრს მიღმა დარჩენილ ისტორიაზე ისაუბრა, რომლის გამოქვეყნებასაც გეგმავს ის უახლოეს მომავალში.
მსგავსი სიახლეები
ტრენინგი საგანმანათლებლო პროგრამისა და სასწავლო კურსის სილაბუსის შემუშავებისა და შეფასების მეთოდოლოგია
საინფორმაციო-სამუშაო შეხვედრები მიეძღვნა საგანმანათლებლო პროგრამებისა და სასწავლო კურსების სილაბუსების დაგეგმვის, შემუშავებისა და შეფასების აქტუალურ საკითხებს.
ვორკშოპი დოქტორანტებისთვის „სამეცნიერო პუბლიკაციის შექმნა და გამოქვეყნება“
სამეცნიერო კვლევებისა და განვითარების სამსახურის ორგანიზებით დოქტორანტებისთვის გაიმართა ვორკშოპი თემაზე „სამეცნიერო პუბლიკაციის შექმნა და გამოქვეყნება“.
