Erasmus+ პროგრამის ფარგლებში დაფინანსებული გაცვლითი პროგრამები პერსონალისათვის

წმ. ანდრიას ქართული უნივერსიტეტი აცხადებს კონკურსს აკადემიური პერსონალის საერთაშორისო მოკლევადიანი მობილისათვის. მობილობა ხორციელდება Erasmus+ პროგრამის ფარგლებში, იტალიურ პარტნიორ უნივერსიტეტში (ნეაპოლის უნივერსიტეტში) რომელიც სრულად ფინანსდება Erasmus+ პროგრამის მიერ, პარტნიორი უნივერსიტეტის მხრიდან.

კონკურსში მონაწილეობის მიღება შეუძლია ქართული ფილოლოგიის საგანმანათლებლო პროგრამის აკადემიურ პერსონალს.

მობილობა გულისხმობს მასპინძელ უნივერსიტეტში, ლექციების ჩატარებას (8-9 საათი), წინასწარ განსაზღვრული გრაფიკის მიხედვით. მობილობის კონკრეტული პერიოდის შერჩევა და სალექციო თემატიკის შეთანხმება მოხდება მასპინძელ უნივერსიტეტთან.

მობილობის პერიოდი მოიცავს 7-10 დღეს, საიდანაც ხუთი-რვა დღის მანძილზე იგეგმება ლექციების ჩატარება და დაინტერესების შემთხვევაში სხვა შეხვედრები უნივერსიტეტის პერსონალთან, ხოლო ორი დღე განსაზღვრულია მგზავრობისათვის.

საბუთების მიღების ბოლო ვადაა 2026 წლის 22 ნოემბერი.

დარეგისტრირდი აქ

მოთხოვნილი საბუთები:

• პირადობის დამადასტურებელი კანონმდებლობით გათვალისწინებული დოკუმენტის - პასპორტის (მისი არარსებობის შემთხვევაში, პირადობის მოწმობის) ასლი (pdf ვერსია);

• CV ინგლისურ ენაზე (pdf ვერსია); სასურველია ევროპული ფორმატი;

• ცნობა უნივერსიტეტიდან აკადემიური თანამდებობის დაკავების შესახებ (უცხო ენაზე, pdf ვერსია);

• მოტივაცია/სამოქმედო გეგმა (ინგლისურ ენაზე, არაუმეტეს ორი გვერდისა), სადაც წარმოდგენილი უნდა იყოს:

• მობილობის მიზანი;

• სალექციო თემატიკა და შინაარსი;

• მოსალოდნელი შედეგები და გავლენა (როგორც პროფესიული განვითარების ასევე სტუდენტების კომპეტენციების განვითარების კუთხით);

• მიღებული გამოცდილების გამოყენებისა და გაზიარების პერსპექტივა;

• სავარაუდო შეხვედრებისათვის საინტერესო საკითხების ჩამონათვალი;

• ინგლისური ენის მინიმუმ B2 დონის დამადასტურებელი დოკუმენტი (საერთაშორისოდ აღიარებული სერთიფიკაცი/უნივერსიტეტის ენების ცენტრის მიერ გაცემული B2 დონის დამადასტურებელი დოკუმენტი/ ინგლისურ ენაზე სწავლების გამოცდილების (არანაკლებ 1 წელი) დამადასტურებელი დოკუმენტი/ ინგლისურ ენაზე სწავლის (არანაკლებ 1 წელი) დამადასტურებელი დოკუმენტი);

• აკადემიური და/ან პროფესიული რეკომენდაცია შესაბამისი სკოლიდან/პროგრამის ხელმძღვანელისგან (pdf ვერსია);

• სსსმ/შშმ პირის სტატუსის დამადასტურებელი ოფიციალური ცნობა/დოკუმენტი (არსებობის შემთხვევაში, pdf ვერსია).

შერჩევის პროცედურა:

• საბუთების გადარჩევა და შეფასება კომისიის მიერ;

• გასაუბრება კომისიის წინაშე;

• შერჩეული კანდიდატები ნომინირებული იქნებიან მასპინძელ უნივერსიტეტში და შემდგომი პროცედურების წარმართვა მოხდება მიმღები უნივერსიტეტის მხრიდან.

დამატებითი ინფორმაციისა და კითხვებისათვის გამოიყენეთ შემდეგი ელ. ფოსტა: iro@sangu.edu.ge