ხელოვნური ინტელექტის გამოყენების აქტუალური საკითხები აკადემიურ და კვლევით საქმიანობაში
28 აპრილს გაიმართა ონლაინ შეხვედრა, რომელიც აკადემიურ და კვლევით საქმიანობაში ხელოვნური ინტელექტის პასუხისმგებლიან გამოყენებას მიეძღვნა.
აკადემიური პერსონალისთვის ხელოვნური ინტელექტის გამოყენების საკითხებზე ონლაინ შეხვედრა გაიმართა
28 აპრილს, სანგუში გაიმართა ონლაინ შეხვედრა უნივერსიტეტის აკადემიური პერსონალისთვის, რომელიც მიეძღვნა ხელოვნური ინტელექტის გამოყენების აქტუალურ საკითხებს აკადემიურ და კვლევით საქმიანობაში.
შეხვედრის ფარგლებში განხილულ იქნა ორი ძირითადი თემა: გენერაციული ხელოვნური ინტელექტის (GenAI) და ავტომატიზებული ინსტრუმენტების გამოყენების რეკომენდაციები, ასევე ხელოვნური ინტელექტის გამოყენების დამოწმების (ციტირების) პრინციპები აკადემიურ ნაშრომებში. ორივე დოკუმენტი შემუშავებულია უნივერსიტეტის მიერ და მიზნად ისახავს აკადემიური კეთილსინდისიერების სტანდარტების დაცვასა და თანამედროვე ტექნოლოგიების ეფექტიან ინტეგრაციას სასწავლო და კვლევით პროცესში.
მონაწილეებს ჰქონდათ შესაძლებლობა დაესვათ შეკითხვები და გაეზიარებინათ საკუთარი მოსაზრებები, რაც ხელს უწყობს ერთიანი მიდგომების ჩამოყალიბებასა და პრაქტიკაში დანერგვას.
ღონისძიება ემსახურებოდა აკადემიური პერსონალის ინფორმირებას, ცნობიერების ამაღლებასა და მხარდაჭერას ხელოვნური ინტელექტის პასუხისმგებლიანი გამოყენების მიმართულებით.
მსგავსი სიახლეები
ტრენინგი საგანმანათლებლო პროგრამისა და სასწავლო კურსის სილაბუსის შემუშავებისა და შეფასების მეთოდოლოგია
საინფორმაციო-სამუშაო შეხვედრები მიეძღვნა საგანმანათლებლო პროგრამებისა და სასწავლო კურსების სილაბუსების დაგეგმვის, შემუშავებისა და შეფასების აქტუალურ საკითხებს.
ვორკშოპი დოქტორანტებისთვის „სამეცნიერო პუბლიკაციის შექმნა და გამოქვეყნება“
სამეცნიერო კვლევებისა და განვითარების სამსახურის ორგანიზებით დოქტორანტებისთვის გაიმართა ვორკშოპი თემაზე „სამეცნიერო პუბლიკაციის შექმნა და გამოქვეყნება“.
