ქ. თბილისის 140-ე სკოლის მოსწავლეები სანგუს ესტუმრნენ

ქ. თბილისის 140-ე სკოლის მოსწავლეები სანგუს ესტუმრნენ

ქ. თბილისის 140-ე სკოლის მოსწავლეები სანგუს ესტუმრნენ. ვიზიტის ფარგლებში მოსწავლეებს შესაძლებლობა ჰქონდათ ჩართულიყვნენ პრაქტიკულ და შემეცნებით აქტივობებში, რომლებიც უნივერსიტეტის ფიზიკის ლაბორატორიაში გაიმართა პროფესორ მალხაზ შატბერაშვილის ხელმძღვანელობით.

მოსწავლეები დაესწრნენ სადემონსტრაციო ცდებს, თავად ჩაატარეს სასკოლო ექსპერიმენტები, ეტაპობრივად დააკვირდნენ პროცესებს და დამოუკიდებლად შეაფასეს მიღებული შედეგები.

სტუმრებს ასევე შესაძლებლობა ჰქონდათ გაცნობოდნენ სანგუს ინფრასტრუქტურას და საგანმანათლებლო პროგრამებს, რაც მათ დაეხმარება მომავალი პროფესიული და აკადემიური არჩევანის უკეთ გააზრებაში.