წმ. ანდრიას ქართული უნივერსიტეტის ჰუმანიტარულ მეცნიერებათა და სამართლის სკოლის სპეციალური მოწვევით, ნეაპოლის უნივერსიტეტის პროფესორი გაგა შურღაია წაიკთხავს ლექციას თემაზე: "აღმოსავლურ და დასავლურ ცივილიზაციათა დიალოგი და შუა საუკუნეების საქართველო: ლეგენდა ბალავარსა და იოდასაფზე". ასევე წარმოდგენს იტალიელი პოსტმოდერნისტი მწერლის დინო ბუცატის ნოველის ,,შვიდნი მალმსრბოლნი“ საკუთარ ქართულ თარგმანს.
ლექცია ჩატარდება 2024 წლის 16 აპრილს, 13.00 საათზე, წმ. ილია მართლის საკონფერენციო დარბაზში. მე-4 სართ. I კორპუსი
დასწრება თავისუფალია.
გაგა შურღაია – საეკლესიო მეცნიერებათა დოქტორი, მწერალი, ნეაპოლის სახელმწიფო უნივერსიტეტ „ლ’ ორიენტალეს“ პროფესორი, რომის პაპის აღმოსავლური ინსტიტუტის მოწვეული პროფესორი, ვატიკანის სამოციქულო ბიბლიოთეკის მეცნიერი-კონსულტანტი. ასობით სამეცნიერო პუბლიკაციისა და მონოგრფიების ავტორი. 2020 წ. მთარგმნელობითი საქმიანობისთვის იტალიის ეროვნული პრემია Premio Nazionale per la traduzione გადაეცა. ეს პრესტიჟული პრემია, რომელიც იტალიის კულტურის სამინისტრომ 1988 წელს დააარსა, ყოველწლიურად 8 საუკეთესო იტალიელ და უცხოელ მთარგმნელს და გამომცემელს გადაეცემა.
პროფესორ გაგა შურღაიას მონოგრფიას ,,ქართლის მეფე, ვახტანგ I გორგასალი. საქართველოს მართლმადიდებელი ეკლესიის ავტოკეფალიის სათავეებთან“, რომი 2018 (იტალიურ ენაზე, 706 გვ. სამეცნიერო წრეებში ფართო გამოხმაურება მოჰყვა როგორც საზღვარგარეთ, ასევე საქართველოში. მის მონოგრაფიას მრავალი ცნობილი ბიზანტინისტისა და ქართველოლოგის რეცენზია მიეძღვნა, რომელიც სხვადასხვა მოწინავე სამეცნიერო პერიოდულ გამოცემასა თუ კრებულში გამოქვეყნდა (ლუიჯი მაგაროტო, დონალდ რეიფილდი, ჯორჯო ვესპინიანი, ანტონიო კარილე, ჰანს-ქრისტიან გიუნთერი, ჰუბერტ კაუფჰოლდი)
გააზიარე
